Në dhjetor 2006 Spitali Amerikan çeli dyert me premtimin ambicioz dhe përgjegjësinë e madhe: diagnostikim dhe trajtim me standardet më të larta të mjekësisë moderne për pacientët shqiptarë.
Përkujdesja dhe vëmendja e Spitalit Amerikan ndaj pacientëve filloi nga zemra. Sot Spitali Amerikan numëron mbi 9000 ndërhyrje kirurgjikale kardiake, nga defektet e lindura në problemet e sistemit valvular; nga kirurgjitë e aortës tek bypasset; nga aorta ashendente në arteriet karotide e femorale.
Sot, pas 10 vitesh punë intensive Spitali Amerikan, i shtrirë në mbi 50 mijë m2 hapësirë, njihet jo vetëm si i pari dhe më i fuqishmi institucion privat shëndetësor, por edhe si vendi ku janë realizuar për herë të parë shumë sfida të mjekësisë moderne. Sot numërohen 135 transplante të kryera me sukses nga ekipi ynë i kirurgëve dhe tre qendra hemodializë me një kapacitet prej 381 shtretërish, duke e bërë kështu Spitalin Amerikan qendrën e vetme të fokusuar në trajtimin e pacientëve me insuficiencë renale.
Në Maj 2009 Grupi i Spitaleve Amerikane u zgjerua me Spitalin Amerikan Fier dhe më tej, në Shkurt 2010 me American Medical Center Durrës. Dy qendrat mjekësore në dy qytetet e mëdha të vendit, jo vetëm shërbejnë si qendra referente në diagnostikë e imazheri, por edhe kanë lehtësuar ndjeshëm barrën e pacientëve të hemodializës.
Laboratori qëndror, me gamën më të gjerë të testeve laboratorike sot në Shqipëri, është një nga faktorët kryesore të suksesit 10 vjeçar të këtij spitali. Me më shumë se 1200 teste laboratorike është i vetmi i çertifikuar me standardin më të lartë në këtë fushë; certifikatën ISO 15189.
Në punën jo vetëm diagnostikuese por edhe kërkimore të mjekëve të Spitalit Amerikan Qendra e Imazherisë së Avancuar ka luajtur një rol të veçantë. Me aparaturat unike jo vetëm në Shqipëri, por edhe në rajon si dhe me shërbimin 24 orë kjo qendër lehtëson diagnostikimin e saktë në kohën më të shpejtë të mundshme, duke u ardhur kështu në ndihmë veçanërisht ekipeve të onkologjisë, kirurgjisë, ortopedisë etj.
Mbi 1000 punonjës dhe 33 departamente ofrojnë shërbimin e tyre të shtrirë në 24 orë, 17 salla operacioni dhe mbi 350 shtretër. Rritja e vazhdueshme e grupit të Spitaleve Amerikane kulmoi në Mars 2011 me investimin më të ri dhe ambicioz; spitalin e dytë në Tiranë me sipërfaqe 6000 m2, Spitali Amerikan 2 është kryesisht i fokusuar në lindje, pediatri, neonatologji, kirurgji gjinekologjike, ortopedi, urologji dhe kirurgji plastike. Pasi u kemi shërbyer në distancë mijëra pacientëve kosovarë erdhi koha të ishim të pranishëm në Kosovë me një spital të mirëfilltë e të kompletuar. Investimi më i ri, tepër serioz dhe i rëndësishëm në 6 prill 2012.
Në rrugën e pandalur të suksesit dhe investimeve në fushën e mjekësisë, por jo vetëm, Spitali Amerikan kulmon aktivitetin e tij në shërbim të pacientëve, ME HAPJEN E SPITALIT AMERIKAN 3. Godina më e re, me një sipërfaqe prej 25.000 m2 ofron për pacientët 100 dhoma, 170 shtretër, 5 salla operatore dhe 2 koronarografi.
Emri i Spitalit Amerikan thuhet fort dhe për pacientët shqiptarë dhe te huaj ka zënë vend në mendjet e tyre, jo vetëm si një strukturë spitalore me një shërbim të pritur prej vitesh dhe tepër të vlerësuar nga pacientët, por edhe si vendi ku janë realizuar sfidat e mjekësisë moderne. Të jesh lider dhe të vendosësh standartet në rang kombëtar dhe jo vetëm, për ne do të thotë të kesh zgjidhje për çdo kërkesë të çdo pacienti, t’u ofrosh atyre sistemin më efiçent dhe teknologjinë më të lartë në mbështetje të profesionalizmit të stafit.